Өстәге поляризацион фильтр аша карагыз һәм аны борыгыз. Яктылык ничек үзгәрә? Пластик предметларны астагы поляризацион фильтрга салыгыз һәм өстәгесе аша аларга карагыз. Өстәге фильтрны борыгыз. Нәрсә күрәсез?
Билгеле бер төстәге яктылык чыганакларының берсен сайлап алыгыз яки аларны бер-бер артлы кабызыгыз. Яктылык белән тәҗрибәләр ясау өчен, төрле предметлар кулланыгыз. Сез нинди төсләрне күрәсез? Күпме төрле төстәге күләгәләр ясый аласыз?

Сез предметта яки учыгызның икенче ягында күрә торган ак яктылык өч яктырткычтан килә торган кызыл, зәңгәр һәм яшел төсләрнең кушылмасыннан тора. Сезнең кулыгызның күләгәсе төшкәндә ул әлеге яктылык агымнарының берсен, икесен яки өчесен дә каплый. Бер генә төсне каплагана, калган ике төс кушылып, башка төс барлыкка китерәләр. Мәсәлән, зәңгәр яктылыкны каплагыз. Төшә торган күләгә кызыл һәм яшел төсләрдән тора. Алар кушылып, сары төс бирә. Кешенең төсләр күрүе күз челтәр катлавында спектрның кызыл, яшел һәм зәңгәр участокларына җавап бирә торган сизгер рецепторларның өч төре булу белән бәйле.