Яктылык чыганагын кабызу өчен, төймәгә басыгыз. Сыгылмалы пластик көзгеләрне яктылык чыганагы ягына таба каратып куегыз. Яктылык нурлары көзгедән чагылганда нәрсә була? Сыгылмалы көзгеләрне чак кына эчке яки тышкы якка таба бөгегез. Чагылучы нурлар белән нәрсә була? Бер-бер артлы урнашкан сыгылучы көзгеләр чылбырын, барлык чагылдырылган нурлар бер үк урыннан үтәрлек итеп урнаштырып карагыз.

Көзгене сыгылдырып, сез бөтен яктылык нурларын фокус ноктасы дип йөртелә торган бер урында - параллель яктылык нурлары көзгедән чагылганнан соң очрый торган ноктада туплый аласыз. Чагылдыру өслеге парабола рәвешендә бөгелгән көзгеләрне еш кулланалар. Аларны, мәсәлән, Ньютон системасы телескопларында кулланалар. Автомобиль фараларының, прожекторларының чагылдыргычлары шулай ук параболик өслеккә ия. Алардагы лампалар фокуста урнаштырыла, шуңа күрә параболик өслектән чагылганнан соң яктылык нурлары параллельгә әйләнә.